<<<البادي أظلم>>>

Admin

احب اهدي هذي القصيده لكل من يخون حبيبه او حبيبته او يترك حبيبه بعد عشرة عمر بسهوله وبدون ضمير.......
.....................................وطبعا هذي القصيده مو من معاي يعني منقوله............................................ ........
لا ردك الله ولا اطلب تردين.......أدعي عليك بعثره في صلاتي.
عثره تشلك مابعدها تقومين.....يا قاتلتني يوم صرتي حياتي.
كنتي مناة القلب والروح والعين......واليوم عينك يعلها ما تباتي.
كنت احسبك للعهد والحب توفين......قلتي الغدر والخيانه هنا صفاتي.
حلفت يمين الله مامنك ثنتين.............وأنك ملاكي دون كل البناتي.
وانك على عهد الموده تسيرين......ولا تسمعين اهل الحسد والوشاتي.
وصار اليمين ستار خلفه توارين........ورماح غدرك بالخفا مشرعاتي.
وبطن الغدر سما جرا بالشرايين.......الله عسى يسقيك سم الفعاتي.
خذتي الهوى لعبه على ماتحبين.......إلين عصفة بالهوى عاصفاتي.
من زينك يابنت بالشعر تزيين؟...........ومن جملك بأبياته الطايلاتي؟.
انا من غرامي قلت كانك تذكرين!.......قلت الخجل صاب البدر من مناتي.
وصرتي بشعري فالعذاري تباهين........تقولين انا شمس العصر في حلاتي.
زينتك بشعري ولاقربك الزين..............مازانتك صبغات حمر الشفاتي.
بالشعر صورتك خزامى ورياحين.........وأثرك هضاب وشوك مابه هداتي.
رسمتك سحابة خير قطرا تنفين...........فزت لك الصحرا زهور ونباتي.
ورسمتك مها للجميله تقودين..............وأثرك قطيعه ضيعتها الرعاتي.
وأثرك غراب يوم سدل الجناحين........كنت احسب اني شايف لي قطاتي.
توسلت لك خايف على حب عامين......عامين لكن في حسابي مئاتي.
ناديت لكن ابد ماتسمعين..............عمري وروحي وفكري في ثباتي.
وخنتي وبعتي كل عهد وأيامين........ماعاد يفرق بين ماضي واتي.
وصرتي مثل غيرك برخصا تباعين........يامرخصتني مابقى لك غلاكي.
صبري نفذ واليوم ثارة براكين..........مظلوم انا وباكر تحل أدعواتي.
سمعي عسى من بعدها ماتسمعين.........سمعي دعا من صار قلبه حصاتي..
أدعي عسى من ناظرك ماتشوفين.......وتطحن بك الايام طحن الرحاتي.
وعساك عوق منه ما عاد تبرين........عوق تشافق له قلوب العداتي..
ويالله عسى تحتار فيك المداوين........تبيين الممات ولا يجيك المماتي.
ويالله كف الندامه تعضين........تندمين يوم انه يفوت الفواتي.
وتبكين دم يسيل من مقلت العين........وتحتار امك من عناك وتحاتي
عسى ما تلاقي من له القلب تهدين.....وأن هو حصل ادعي عساك الشتاتي.
يالبلوت الي وصت بيته تعيشين.......ساهي وحوله شب جمر العضاتي.
عسى بعمرك ساعه ماتهنين.........وتمضين حياتك بين هم وشجاتي.
يابنت قلبي وين مثله تلاقين........قلب عطاك الحب ماقال هاتي.
جيتك وروحي شلتهالك بكفين.......وفي تاليه رمح الخيانه جزاتي؟!.
يالله عساك النار يا أم وجهين......كل انكشف لا ماتفيد العباتي..
ويالله عسى تلبسك جن وشياطين.......وتكونين مدعاة الحكي واللماتي.
ياحية رقطى تقود الثعابين.......باكر تحل ايامك المعتماتي.
وباكر على فعلك بمثله تجازين......ظلم المشاعر ماتحكمه قضاتي.
بيني وبينك تحكم ايام وسنين.......وانا شاهد قلب من الغدر ماتي.
يادمعة التمساح لا لا تذرفين........العيون رغم دموعها كاذباتي.
لا ما عرفتي الحب لا ماتحسين......وغدرك تعدى غدر ذيب الفلاتي
الذيب يعوي قبل غدره بسكين.......وانتي غدرتي خافقي في سباتي.
لو كان غدرك في كفوف الموازين.......لكان رجح كل غدر البناتي.
انتي السبب شقيتي على القلب جرحين..... غدر الغرام وموجع الذكرياتي.
وأنتي السبب واليوم لالا تلومين.....ونجاك باكر شوفي شلون ياتي.
والله لأكتب وافضحك في دواوين.......وارقص وأغني يوم خبر الوفاتي.
وارسم لاهل العشق قلب وسهمين........وقصة خيانه ماروتها الرواتي.
ويمين لانشر فوق اسمك عناوين..........واشهرك من قاصي اليمين للفراتي.
ومن غرب هالدنيا ألى قاصي الصين.........ديوان غدر فيه كل اللغاتي.
والبادي أظلم سنة العين بالعين.............ولاهذه عاداتي ولا هي صفاتي.
وياشبيه انسانه براس ورجلين..................اعوذ بالرحمن منك في صلاتي..
.........................وأعذروني علأطاله........................................[b]